Ang Niyog

Mayroong isang magandang alamat
Na kung saan, niyog ay nagbuhat -
Ito raw ay bunga, kalinga sa anak
Ng isang inang sa hukay ay nalagak.

Ito raw ina ay nag-aalala
Sapagka't anak, paano kung wala siya
Kung kaya't ang isang mabait na ada
Ginawang punong niyog ang mabait na ina.

Nang ang punong niyog ay magbunga
Anak ay dagling pumitas ng isa
Pagdaka'y biniyak at doo'y nakita
Ilong at mata ng mahal niyang ina.

Ang laman ng niyog agad na kinain
At saka sinundan sabaw na inumin
Kaagad naparam kanyang pagod mandin
Tila nga ang ina ay kapiling pa rin.

At ang punong niyog, noo'y nakilala
Sa dulot nitong pagkaing kay ganda
Nguni't di alam, mabait na ada
Punong yaong pala dulot ay ligaya.

Ang kanyang dahon pala'y walis na panlinis
At saka ang buno't, pangkintab na panlinis
Huwag nang banggiting laman nito'y langis
Na kailangan din natin sa lahat ng saglit.

Nauso rin, paglalagay ng barya
Sa bao nitong kay gandang alkansiya
Na pag napuno at naging mabigat na
Pambili ng gamit at anumang makita.

Lilim nitong dulot kay sarap damhin
Lalo't magpapahinga sa gitna ng hardin
Gayon din naman gandang hatid sa atin
Ng pagkakaroon ng lamig sa paningin.

Kung ang lahat ay pawang ubos na
At ang punong niyog, ngayo'y matanda na
Huwag itapon maging ang balat niya
Pagka't ito'y gatong na maganda.

Anupa't itong niyog, kaban nga ng yaman
Huwag matahin, kaliit-liitang katawan
Ito'y ating mahali't pakaalagaan
At nang umunlad itong ating bayan.

This website is dedicated to all Filipino people who love their country, the Philippines.

The purpose of this website is to help all Filipinos, most importantly the Filipino students in their upbringing, not just in their studies in schools, but also during their leisurely time online. Who said fun is all about playing games?

Currently, we have articles about Filipino folklore including short stories, fables, parables, myths, and legends. Biographies of Filipino national heroes and other famous people in Philippine history that are written both in Tagalog and English are also available.

Soon to include information about Filipino games here in the Philippines, from the old traditional games that children used to play, to the most latest online games now being played at their very own homes or in an Internet Cafe such as Level Up's games Ragnarok and Crazy Kart, e-Games' Ran Online....